De Britse filosoof John Gray stelt :"De wil en daarmee de moraal
is een illusie,''de mensheid kan worden beschouwd als een
roofzuchtig soort dier die andere levensvormen uitroeit en zijn
natuurlijke omgeving vernietigt .''
Dizze vorm van doemdaenkeri'j deel ik niet hielemaole , maor veur et laeste
argement vaalt spietiggenog vule te zeggen.
't Is waor dat de wetenschop heur de laeste peer honderd jaor hiel stark ontwikkeld heb,
maor dat de ethiek en de poletiek daor niet in mit gaon kon of zels maor mittrokken wodde.
't Is zo as Seneca zee : "Artes serviunt Vitae , Sapienta Imperat " ,
wat zeggen wil "Wetenschappen dienen het leven , wijsheid moet
het beheersen " Kennis echt en waorachtig in dienst van de
saemenleving.
Aj' van buten , op 'n ofstaand naor et poletieke bedrief van oonze perveensie kieken en ok naor de gevolgen daorvan ,
ziej' dudelik wat
heur an et ofspeulen is en dat geldt ok veur de rest van oons laand :
de hieltied meer onverschillighied bi'j et volk , onvrede en grote argernis, politici die
in 'n kramp schieten, ketelmeziek in de 2e Kaemer en in de staoten [in alle staoten] en de
passe [tillevisie en kraanten veurop] die alderhaande raandverschiensels en raandfiguren uutvergroten.
Van stijl naor gien stijl ! En dan klaegen wi'j mit zien allen over de kloof tusken burgers en poletiek.
'De westerse wereld zol heur niet langer leiden laoten moeten deur poletieke daenkbielden ,
maor de hieltied meer op zuke moeten naor 'n modus vivendi [omgangsregeling as et waore] mit ere kulturen en godsdiensten…..
ik daenke dat dit waor is
Zonder dat ik now votendaolik et lidmaotschop van GroenLinks opzeggen gao ,
daenk ik wel dat et aende van et bestel zo as we et now kennen zien beste
en langste tied kend heb.! Poletieke perti'jen moeten heur d'r op in stellen dat et over 'n aandere boeg moet ……
Et dualisme in gemienten en perveensies het niet veur 'n ommekeer zorgen kund , 'n ommekeer waor as op hoopt was en die ok 'n antwoord geven mos op et perbleem van de kloof tusken burgers en poletiek.
'n Wieziging van systeem kan dat ok niet, daor hej' meensken bi'j neudig.
De grootste vijanden van et dualisme bin de oolde poletieke en meenslike verhooldings.
Ok de perveensiaole poletiek slaegt d'r -en da's spietig- niet in 'n vonk bi'j de burgers over kommen te laoten.
De onbekendheid van staoteleden en heur wark , de stroperigheid van besluutvorming , de onderwarpen die vaeke doch
ok weer regionaal speulen . Veurbielden van et laeste bin Centrale As , REC bi'j Harlingen en de N 381.
Koj' et volk nog in de bienen kriegen bi'j de ZZL , bi'j de Haak om Liwwadden kriej' dat al niet meer veur mekere.
'n Inwoner van Blesdieke zal ok hiel weinig gevuul opbrengen kunnen veur de Strobossertrekvaort en dat geldt aandersomme liekegoed.
De meuglikheid tot identifikaosie van de kiezers mit heur streek is in mien ogen de belaangriekste veurweerde
om betrokken burgers te kriegen.
De baand die aj' vulen mit je eigen dorp , de eigen gemiente vaalt al weg bi'j 'n perveensiaol waeterschop ,
jammergenog ok al bi'j et perveensiebestuur en al hielemaole bi'j Europa. En dat zal in Groot Sneek in de ZWH van Fryslan ok mitspeulen gaon.
En wanneer is men wel d'r bi'j? As et mis gaot. As et om de ni'jbou van et perveensiehuus
gaot of om et geharrewar bi'j de tiedelike huusvesting of et geheister mit et Bonnemaleagaot , om wat veubielden te numen.
Et beeld wodt d'r al niet fleuriger op. Oons laand , 'n laand van weinig beloften ,
liekt et zo onderdehaand. Verdonk is weliswaor bi'jkaans uutteld , maor van Wilders bin we nog niet of. Om mit Maarten Toonder te zeggen : " het land leek gevangen in een kille greep van een ijzige en duistere macht …en dat kende zijn weerslag op het goede volkje…"
En dat laand , oons laand , allemaole overgeuten mit de Balkenende- norm.
Je zollen je nog schaemen in dit laand leven te moeten.
De kultuur van griepen en graaien kunnen we niet keren , oonze mp maekt
'm drok over de verkering van iene Jan Smit en is te laf om de Dalai Lama 'n haand te geven.
Daenk niet da'k hier verbitterd stao , ik weet ok hoe de poletiek warkt en daj' seins geduld hebben moeten .
In mien brief an de Kommissaoris he'k schreven "d'r zullen vaast momenten kommen dat ik vule
hier moe'k wat van zeggen , maor na 'n lange periode van bezinning vuult et goed om now of te sluten" en dat doe ik ok.
Ik daanke iederiene met wie ik op 'n goeje meniere saemenwarkt heb ….
En ik weenske dat d'r in Fryslan
# nog 'n stoer plattelaansbeleid meuglik is , et is wel vuuf veur twelf
# 'n starke impuls komt veur de bouwsector , veural in de restauratiebouw
en de sociaole sector
# 'n echte duurzeme invulling van de toekomst : eerst in daenken en
daornao in doen …. op allerhaande gebied : bouwen , energiewinning,
vervoer , zorg en nutsveurzieningen …………'n echte eko-economie
# boven dit alles mit verstaand en wiesheid zaeken daon wodden
# dat moej'wel willen
Wetenschoppen dienen et leven - wiesheid moet de baos wezen !
en blikstienders op 'n eigen , eigenwieze friese meniere !
Et gao jim allemaole goed !
Fractiekamer
Theo spreekt de staten toe
Handjesschudden met oude kameraden, samen met echtgenote Ingrid
